Кредит тўлангунча «Ласетти» дам олиб туради

Банкларнинг кредит ресурслари муқаддам ажратилган кредит қарзларининг тасдиқланган график асосида қайтарилиши боғлиқ. Шундай экан маълум мақсадларда кредит олган шахсларнинг бу борада ўз масъулиятларини ошириши, яна қайсидир тадбиркорнинг кредит ресурсларидан фойдаланишига имкон яратади.

Хусусан, Фуқаролик ишлари бўйича Самарқанд шаҳар судининг 26.04.2023 йилдаги С.Пармановдан «Капиталбанк» АТБ фойдасига 114 миллион сўм кредит қарзини ундириш, тўғрисидаги ижро варақаси Мажбурий ижро бюроси Бахмал туман бўлими иш юритувига келиб тушган ва ижро иши қўзғатилган.

Ижро ҳаракатлари давомида гаров мулки ҳисобланган, қарздорга тегишли «Ласетти» русумли автотранспорт воситаси қаратиш чоралари тўғрисида огоҳлантириб, қарздорликнинг ҳуқуқий оқибатлари тушунтирилди.

Бундан тўғри хулоса чиқармаган қарздорнинг «Ласетти» русумли автотранспорт воситаси жарима майдончасига жойлаштирилди.

Келгусида ушбу автотранспорт воситаси электрон-онлайн аукцион савдоларида сотилиб, савдодан тушган пулдан мавжуд қарздорликлар қопланади.