Гаровдаги Lacetti жарима майдончасига қўйилди

Банклар  томонидан фуқароларга имтиёзли кредитлар ажратилиши натижасида тадбиркорлик фаолияти ривожланмоқда. Бироқ, масъулиятсизлик, имкониятларни тўғри баҳоламаслик ва ҳуқуқий маданият етишмаслиги сабаб банклар билан тузилган шартнома шартларига риоя қилмаслик ҳолатлари учраб турибди.

Шартнома шартлари бузилганлиги боис банк  кредит фоиз қарзи ва ажратилган кредитни муддатидан олдин тўлиқ ундириш бўйича судга даъво аризаси киритиши мумкин. Гаров мулки асосида олинган кредит қарздорлиги тўлиқ бартараф қилинмаган тақдирда эса ундирув гаров мулкига қаратилади.

Шартнома шартларига риоя қилмаслик мижозга қўшимча ҳаражат, ташвиш ва муаммолар олиб келиши табиий ҳолат.  

Иш юритувдаги банклар фойдасига ҳал қилинган суд қарорлари ижросини таъминлаш борасида Бюронинг Ғаллаорол туман ходимлари томонидан самарали ишлар қилинмоқда.

Бюронинг туман бўлими иш юритувида бўлган ФИБ Самарқанд шаҳар судининг қарорига асосан қарздор М.Н ҳисобидан ундирувчи АТБ Капитал банк фойдасига 92.321.000 сўм қарздорлик ундириш тўғрисидаги ижро ҳужжатига асосан гаров мулки ҳисобланган ЛАCЕТТИ русумли давлат рақам белгиси 25 О 918 GА бўлган автотранспорт воситаси хатланиб, жарима майдончасига қўйилди.