Маймун чечаги 39 мамлакатда қайд этилди — ЖССТ фавқулодда йиғилиш ўтказади

Жаҳон соғлиқни сақлаш ташкилоти маймун чечаги тарқалишининг жаҳон ҳамжамиятига таъсирини баҳолаш учун фавқулодда қўмитани йиғади. Бу ҳақда ЖССТ бош директори Тедрос Адҳаном Гебрейесус маълум қилди.

Reuters аниқлик киритишича, йиғилиш 23 июнга белгиланган бўлиб, айни пайтда коронавирус ва полиомиелитга нисбатан қўлланилаётганга тенг юқори даражадаги огоҳлантириш ҳисобланади.

ЖССТ маълумотларига кўра, 2022 йилда маймун чечаги бўйича 39 мамлакатда 1600 та тасдиқланган, 1500 та шубҳали ҳолат аниқланган,  72 та ўлим ҳолати қайд этилган.