10 млн.сўм маънавий зарар ундириб берилди

Ўзбекистон Республикаси Меҳнат кодексига кўра иш берувчи ўзининг молиявий ҳолатидан қатъи назар, ходимга бажарган иши учун ҳақни белгиланган меҳнат ҳақи шартларига мувофиқ ушбу кодексда кўрсатилган муддатларда тўлаши шартлиги, меҳнатга ҳақ тўлаш муддатлари жамоа шартномаси ёки бошқа норматив ҳужжатда белгиланиши ва ҳар ярим ойда бир мартадан кам бўлиши мумкин эмаслиги кўрсатилган.

Фуқаролик ишлари бўйича Жиззах туманларо судининг 23.11.2023 йилдаги ижро ҳужжатига асосан қарздор “Lotos invest” МЧЖдан ундирувчи А.Ахмедов фойдасига жами 10 млн.сўм маънавий зарар суммасини ундириш тўғрисидаги ижро ҳужжати МИБнинг Жиззах шаҳар бўлими иш юритувига келиб тушган. Шу куннинг ўзида ижро иши юритишни қўзғатиш тўғрисида қарор қабул қилиниб, ижро ҳаракатларига киришилган.

МИБ ходимлари томонидан амалга оширилган мажбурий ижро ҳаракатлари давомида қарздорга тегишли ЗИЛ русумли юк автомашинаси хатланиб, жарима майдонига қўйилди. 31.01.2024 санасида зарар пуллари қарздордан тўлиқ ундирилиб, ижро ижро иши юритишдан тўхтатилди.