Жиззахда ННТ юристлари аҳолининг ҳуқуқий саводхонлигини оширмоқда

АҚШ Халқаро тараққиёт агентлигининг (USAID) молиявий кўмаги ёрдамида “Аҳолининг эҳтиёжманд қатламига ҳуқуқий ёрдам кўрсатиш ва ҳуқуқий саводхонлигини ошириш” лойиҳаси доирасида Жиззах вилояти “Istiqlol Avlodi” ИИҲҚҚМ томонидан “Аёллар дафтари” ва “Ёшлар дафтари”дан рўйхатдан ўтган фуқароларга 2024 йил 26-январ куни Зомин туман Оила ва хотин-қизлар бўлими, “Инсон” ижтимоий хизматлар маркази билан ҳамкорликда Зомин тумани Мустақиллик МФЙда аҳоли билан учрашув ва сайёр қабул ўтказилди.

Учрашувда хотин-қизлар ва болалар ҳуқуқларини ҳимоя қилиш борасида қабул қилинган Ўзбекистон Республикасининг 11.04.2023 йилдаги №829-сонли Қонуни ҳамда 2019 йил 2-сентябрдаги №561-сонли Қонунлари юзасидан ҳуқуқий тушунтиришлар берилди. Ҳуқуқшунос ва руҳшунос томонидан ҳуқуқий ва руҳий ёрдамлар берилди.
Марказ фаолияти ҳақида маълумотлар берилиб, 1146 ишонч телефони тушрилган тарқатма материаллари берилди.