El sog‘ligi-yurt boyligi

El sog‘ligi-yurt boyligi

Yurtboshimiz  Islom Karimov rahnamoligida aholi salomatligini mustahkamlash, tibbiy xizmat sifati va saviyasini yaxshilash, davolash  muassasalarining moddiy-texnik bazasini mustahkamlash, soha xodimlarining kasbiy bilim va malakasini oshirish borasida  keng ko‘lamli ishlar olib borilmoqda.

 

Mamlakatimizda «Sog‘lom ona-sog‘lom bola» tamoyili asosida onalik va bolalikni muhofaza qilish, sog‘lom va barkamol  avlodni voyaga  etkazish borasida katta hajmdagi ishlar amalga oshirilmoqda. Shu bois  mustaqillik yillarida yurtimizda onalar o‘limi 3,1 barobar, go‘daklar o‘limi 3,2 barobarga  kamaydi. «Ona va bola skriningi» dasturi amalga oshirilishi natijasida tug‘ma nuqsonli bolalarning dunyoga kelishi  2000 yildan buyon 1,8 martaga qisqardi. Bugungi kunda mamlakatimiz bolalarining 92 foizi rivojlanish ko‘rsatkichlari bo‘yicha Jahon sog‘liqni saqlash tashkiloti standartlariga to‘la mos keladi.«Save the Children»  Xalqaro tashkiloti reytingiga ko‘ra, O‘zbekiston dunyoda bolalar salomatligi to‘g‘risida eng ko‘p g‘amxo‘rlik ko‘rsatadigan o‘nta mamlakat qatoridan joy egallagan.

Albatta, bunday natijalar  yurtimizda tibbiyot sohasida olib borilayotgan tub islohotlar tufayli qo‘lga kiritilayapti.

  Jumladan, viloyatimizda ham bo‘ yo‘nalishdagi jarayon davom etayapti. Xususan, viloyat ko‘p tarmoqli bolalar shifoxonasi O‘zbekiston Respublikasi Vazirlar Mahkamasining 2008 yil 18 martdagi «Hududiy sog‘liqni saqlash muassasalarining tashkiliy tuzilmasi va faoliyatini takomillashtirish chora-tadbirlari to‘g‘risida»gi qaroriga muvofiq,  viloyat bolalar ko‘p tarmoqli tibbiyot markaziga aylantirildi.Ayni paytda ushbu tibbiyot muassasasida  Xolida Alimova boshchiligida N.Egamberdiyeva, F.Alimov, N.Alimqulov, U.Ahmedov,  T.Ashirmatov, T.Hazratqulov, Sh.Hasanova, M.Jabborova, Sh.Aliyeva, S.Rahmonqulova, D.Hojiyeva, D.Hamidova,  M.Ishmirzayeva,  G.Xushboyeva,  kabi shifokor va hamshiralar aholiga beminnat xizmat ko‘rsatib kelishmoqda.

     F.Alimov Sankt-Peterburg shahrida, S.Mirzayeva Janubiy Koreyada, yana ikki nafar hamshira Yaponiya va Isroil davlatlarida malaka oshirib qaytishdi. Shuningdek,  "Yaponiya Xalqaro Hamkorlik Agentligi (JICA) bilan hamshiralik ta’limini takomillashtirish” loyihasi doirasida markazda to‘rt yil davomida yaponiyalik hamshiralar Matsumoto Mesata va Ayako Narita "Bemorga yo‘naltirilgan hamshiralik parvarishi”ga asoslangan ta’lim tajribasini o‘tkazishdi.

Jahon Sog‘liqni Saqlash Tashkilotining YUNISEF bo‘limi bilan  hamkorlikda markazda o‘quv  xonasi tashkil etilib, 60 nafar bolalar shifokorlari hamda  500 dan ortiq hamshiralar uchun  darslar o‘tildi.

 2014 yilda markazda  8803 nafar bemor davolangan bo‘lsa, ularning 8762 nafariga o‘z vaqtida malakaviy tibbiy yordam ko‘rsatildi.

Hozirgi vaqtda markaz mutaxassislari vohamizning chekka  qishloqlarida sog‘lom turmush tarzini targ‘ib etib, ayollar va bolalar o‘rtasida uchraydigan surunkali kasalliklarni bartaraf etish, bola parvarishida  ona sutining mohiyati bo‘yicha suhbatlar hamda profilaktik tadbirlarni muntazam  amalga oshirib borishayapti. 

 

Akmal Binokulov tayyorladi

dle 10.2 скачать , Быстрый торрент трекер КиноСвин рунета
[rating-type-1]
[/rating-type-1] [rating-type-2][rating-plus][/rating-plus]
[/rating-type-2] [rating-type-3][rating-plus][/rating-plus]
[rating-minus][/rating-minus][/rating-type-3]
Добавлено: 8-05-2015, 12:24
0
1613

Похожие публикации


Наверх