Индонезияда авиаҳалокат қурбонларини қидириш амалиёти якунланди

Дунё

20:05, 10 ноябрь 2018

3 908

Индонезиялик қутқарувчилар Lion Air авиакомпаниясининг ҳалокатга учраган самолёти йўловчиларини қидириш операцияларига барҳам берди. Бу ҳақда Индонезия Қидирув ва қутқарув агентлик раҳбари Муҳаммад Саюғий маълум қилди. Бортида 189 киши бўлган Boeing 737 Max 8 29 октябрь куни Ява оролига қулаган эди.
«Сўнгги кунларда ўтказилган қидирув ишлари таҳлиллари натижасида шундай қарорга келинди», - дея мулозим сўзларини келтиради Detik портали. Агентлик раҳбарига кўра, бугунги кунда 196та инсон таналари парчалари топилган. Самолёт бортидаги 189 йўловчидан 77 кишининг шахси аниқланди.
Шу билан бир вақтда Транспортда хавфсизликни таъминлаш қўмитаси раҳбари Соержанто Тажахоно «фожиа қурбонларини қидириш ишлари якунланганига қарамай, овозёзар қурилмани қидириш ишлари тўхтатилмайди».
Самолётнинг техник кўрсаткичларини қайд қилувчи қора қути 1 ноябрь куни топилган эди. Дастлабки текширувларга биноан ҳаво кемасининг тезлик кўрсаткичлари носоз бўлган.
Арзон парвозлар таклиф этувчи Lion Air авиакомпаниясининг самолёти Жакартадан Панкалпинанг шаҳрига JT610 рейсини амалга ошираётган эди. Парвоздан 13 дақиқа ўтгач, номаълум сабабларга кўра, Ява денгизига қулаган эди.

Ctrl

Enter

Хато топдингизми?Илтимос

матнни белгиланг ва Ctrl+Enter ни босинг

Комментарии (0)

Биз

[rating-type-4]

[/rating-type-4]